السلام عليكم

داخل مدرعم ولا يدري وش الاعلان . 
زي الرجال اللي يتعب نفسه ويحط اعلانه طول بعرض وفيه كل مواصفات السياره والعيوب والممشي .. ويجي واحد بكل بروود ما قرا الاعلان ويسأل عن شي موجود بالاعلان . 

ههههههه المصيبه اذا جا وكتب اسومها ب20 الف والاعلان مطلوب سيارة 

كثير رودود تدل على غباء صاحبها

بعضهم ينزل استفسار بموقع حراج ما يعرف المنتدى

و ينزل صورة للسيارة يجي واحد يقول كم وصل السوم

و بعضهم يكتب السيارة تحتاج قير مثلاً و البيع بحالتها

يجي واحد يسوم و بعد كم ساعة يﻻجع يقول اسحب سومتي

ما كتت اعرف ان السيارة محتاجه قير

للاسف الشديد من اسباب كثرة النصابين بالموقع وجود عينات ساذجه وغبيه 
اجل كاتب كم المساحه وكم طالب !!!!!!!!

يمكن مستعجل مايبي يقراء الأعــــلان كامــــــل
وكثر العينات بالموقع 

ممكن ماذكر التفاصيل الا بعد الرد 
يعني عدل الموضوع 

طيب هو فعلا غلطان لانه ما قرى الاعلان ودرعم وهي الاجوبة موجودة قدامه ! لكن هل كان يستاهل انك تكبر السالفة لذي الدرجة وتفتح موضوع علشانه ؟

ممكن صاحب الإعلان عدل اعلانه بعد الرد

بعدين ترى الموقع مليان صغار السن يدخل ويرد ويسوي اني اعرف اسولف في الشراء والبيع

وعليكم السلام ورحمة الله وبركاته 

المصيبة مو هنا 
المصيبة إن راعي الإعلان يرد عليه ثم يجي واحد بعده يسأل نفس السؤال !!! 

ممكن رد تلقائي مثل مايصير بالتويتر :)

انا ما احط شي في ذمتي لكن اشوف اللي مثل هذولي داخلين يتسلون بمعنى :

يعني خلنا من الفلل والاراضي ، انا بعض الاحيان ادخل على سيارات معينة ابي اشوف كم اسعارها ويوم اني كنت ادور موتر اتشوف ، يجي واحد منزل اعلانه كامل وكاتب المواصفات والممشى والحد وكل شي ، ويجيك واحد كم طالب فيها كم حدك من الآخر ، يعني ماعليش اللي صامل مايقعد يسولف في الموقع يرفع السماعة اذا هو جايز له الموتر متى نتقابل ابشوف الموتر واتفق انا وياه شفهي لأن هذا يدل على جديتك في السوم والشراء اما تقعد تسولف


والقهر الاكبر وهذي والله حصلتها في اغلب الاعلانات يجي واحد حاد موتره بالمبلغ الفلاني ويكون حقه ثمن يجي واحد يقول مامعي الا كذا تبي ولا الله يرزقك وترى فيها كذا طيب وش عليك منه هو حادها بالمبلغ الفلاني تبي تساومه اتصل عليه ولين قابلته نسق انت وياه ينزل لك الف خمس مية لكن على كيفك تمحط ب 5000 ولا 10000 من قيمة السيارة ، ولين ماحديتها قالوا حدها ياراعيها عطنا وش عندك


خلاصة الكلام : ماكذب اللي قال ارضى الناس غاية لاتدرك

تحياتي للجميع

صارت معي وسببت لي احراج انه المعلن ما وضع اي تفاصيل وبعد ما سألت عدل الاعلان وصار شكلي غبي المفروض اذا عدل الاعلان يحذف ردي

عادي وسع صدرك , قبل 5 ايام تقريبا عرضت فكتوريا للبيع وكتبت التالي : 


1- ممنوع السوم بالخاص , طبعا كتبت هالشرط لاني ماحب اللف والدوران سوم ع العام وخل الناس كلها تعرف شغل النصب انسامت بالخاص بكذا وكذا مايمشي معي 


2- سومه بدون رقم جوال تعتبر ملغيه , لاني مابغى اضيع وقتي مع واحد ماهو صامل يرمي سومه ويمشي 



وذكرت كل شيء بالسياره من الصدام للصدام وتعهدت امام الله لو فيها شيء ادفع قيمة الفحص وفوقها 500 


ويجيك واحد قليل ادب يقول اول شيء ليه تكتب اذكروا الله الموتر تراه ماهو غريب ولونه لك عليه ولا تحط شروط مثل السومات ع الخاص ملغيه وغيره 




كل اللي سويت له دعيت له بالهدايه , عندي لسان اقدر اخليه يكره يدخل الموقع لكن نقابل الاساءة بالاحسان والمشكله انه رجال عمره فوق 30 سنة وش بقى للمراهقين ..